-
Korg av Hege Iren Aasdal Foto: Silje Ensby
Hege Iren Aasdal er korgmakar med svennebrev. Ho har hatt eit treårig stipendiat for Norsk Håndverksinstitutt der ho har arbeida spesielt med tradisjonelle korger laga i splitta materiale. Som stipendiat har ho jobba med å skaffe oversikt over kva korger som vart laga rundt i landet og kva materiale dei vart laga i, og lære seg teknikkane for å kunne vidareføre dei. Ho ynskjer med denne utstillinga å hedre våre korgtradisjonar og vise fram mangfold og materialrikdom.